Home » – AR- Mesahat Children Summer Camp 2018

أهلا بكم في معسكر مساحات الصيّفي ٢٠١٨

نتعلم، نلعب، ننمو
….لمزيد من التفاصيل برجاء النزول للأسفل

أهلا بكم في معسكر مساحات الصيّفي ٢٠١٨

نتعلم، نلعب، ننمو
….لمزيد من التفاصيل برجاء النزول للأسفل

أهلا بكم في معسكر مساحات الصيّفي ٢٠١٨

نتعلم، نلعب، ننمو
….لمزيد من التفاصيل برجاء النزول للأسفل

أهلا بكم في معسكر مساحات الصيّفي ٢٠١٨  

نتعلم، نلعب، ننمو
….لمزيد من التفاصيل برجاء النزول للأسفل

مساحات معسكر  صّيفي مدته شهرين بنقدمه للأطفال و الشباب من عمر ٦الى ١٥ سنة. هو معسكر مبني علي مفهوم التعليم المُوّجه ذاتياً و بيستخدم وسائل و أدوات و ممارسات التعليم المرّن و الديمقراطى. السنة دي المعسكر هيُقام  في منتجع مونت كايرو المقطم هتلاقي تفاصيل أكتر عن المعسكر و عن مراكز التعليم المرّن و عن التعليم الموّجه ذاتياً في الصفحة دي.

قُم بالتسجيل لمعسكر مساحات الصيّفي 

التاريخ: من ١٧  يوليو إلى  ١٣ سبتمبر، ٢٠١٨  

أيام المعسكر : الأحد والثلاثاء و الخميس من كل اسبوع

مواعيد المعسكر: من 9 صباحاً إلى  ٣:٣٠ مساءً

السن: بنرحب بالأطفال و الشباب من ٦ سنوات إلى ١٥ سنة

التكلفة المادية: ٢٩٠٠ جنية مصرى للمشترك فى الشهر الواحد. يوجد بعض الحلول الأخري المُتاحة حسب المقدرة المادية (ممكن تشوفوا قسم الأسئلة الشائعة)

المكان:  مونت كايرو – المقطم

آخر معاد للتقديم: ١٢ يوليو 

للتواصل معنا: البريد الألكتروني:

sde.egypt@gmail.com 

التليفون أو الواتساب: ٠١٠٢١٩٧٨٣٨٠

الواتساب فقط: ٠١٠٠٠٩٢٨٩٥١

سجّل من هنا

 تعرف علي المزيد بالنزول للأسفل

الشركاء وراء الحدث

المعسكر هيكون عامل ازاي و ايه اللي هيحصل فيه؟

المعسكر بالأساس معمول عشان يكون فيه كل الدعم للأولاد انهم يتعلموا بحرية في جوّ من الثقة و المرح. الأطفال و رغباتهم و شغفهم هو الأساس والمركز لكل شيء بيحصل في المعسكر.  بالتالي كل طفل بيخلق لنفسة التجربة التعليمية اللي نفسه فيها . المعسكر مناسب جداً لأي طفل بيدوّر علي حرية في التعلُم و ممارسة حقة في الإكتشاف و اختيار هو عايز يتعلم ايه خلال الصيف.

يوم كل مشترك في المعسكر مختلف لأن كل مشترك بيصمم يومه و تعلُمه بنفسه. المشتركين، و معاهم المُيّسرين و بمساعدة أدوات مختلفة للتعلُم الذاتي،بيختاروا من مجموعة كبيرة من الأنشطة المُتاحة كل يوم و بنسمى الأنشطة دي “مشاركات” . المشاركات دي بتكون من المُيّسرين أو الأطفال نفسهم.

الشكل العام لليوم (و اللى بيستخدم فى مدارس التعليم الموّجه ذاتياً) بيكون فيه المكوّنات التالية: 

في أول يوم في المعسكر بيكون في اجتماع جدوّلة الأسبوع*.

في اجتماع جدوّلة الأسبوع، الأولاد و المُيّسرين بيحطوا علي الجدول مواعيد و أماكن المشاركات التعليمية. الفرص دي كلها غير تقليدية و ممكن تكون في شكل أنشطة أو ألعاب أو حرف أو خبرات أو تمشية في مكان أو زيارات ميدانية. الفرص التعليمية دي ممكن يقدمها المُيّسرين أو الأطفال نفسهم. 

 الفرص التعليمية دي بيتم تصميمها حسب احتياجات و اسئلة الأطفال و فضولهم. في المعسكر السابق مثلاً، أمثلة لبعض الفرص التعليمية كانت تعليم الطبخ، الزراعة، صناعة الروبوت، حرف يدوية و غيره. و في المعسكر الصيفي المره دي عندنا مفاجأت كتير عن الفرص التعليمية المُتاحة و بنصمم فرص تعليمية جديدة بناء علي أسئلة  و طلبات الأولاد المشتركين في المعسكر و اهتماماتهم اللي هنقولولنا عليها في استمارة الإشتراك. اهتمامات و رغبات الأطفال هتكون المحوّر الأساسي اللي هيشكّل الأسبوع و الفرص التعليمية المتاحة. 

بشكل عام، دي المحطات الأساسية في كل يوم من ايام المعسكر

٩ صباحاً : اجتماع الصباح: الإنطلاق*: المشتركين بيتجمعوا في مجموعات صغيرة مع المُيّسر اللي هيكون معاهم و يتابعهم خلال فترة المعسكر كلها. المجموعة بتكون مكوّنه من أطفال و شباب من أعمار مختلفة لأنه تم اثبات ان ده بينمي ذكاء الطفل و مهاراته الأجتماعية. في اجتماع الصباح،  المشتركين و المُيّسرين بيحطوا “نوايا” لليوم، و بناءً علي النوايا دي كل مشترك بيحدد شكل يومه هيكون عامل ازاي و ايه الفرص التعليمية اللي محتاجها عشان يحقق نواياه دي. المشترك كمان بيحدد ايه الدعم أو المساعده اللي محتاجها من المجموعه عشان يحقق نواياه التعليمية.

٩:٣٠ صباحاً الى ٢:٣٠ مساءً: وقت بلاد العجائب: ده الوقت اللي الأطفال فيه بيغوصوا بالفعل في الفرص التعليمية اللي هما عايزينها حسب فضولهم و اهتمامهم و شغفهم و حسب الخطة اللي عملوها لنفسهم في اجتماع الإنطلاق. ده الوقت اللي الأطفال بيكتشفوا فيه و ياخدوا قرارات و يختاروا و يكونوا مسؤلين عن نفسهم و عن توجية تعليمهم ذاتياٌ. طبعاً المُيسّرين موجودين طول الوقت للمساعدة و الدعم.

 ٢:٣٠ الى ٣:٠٠ مساءً : وقت رد الجميل للمكان* :وقت التنظيف و الإعتناء بالمكان 

٣:٠٠ مساء: تأمل شخصي و توثيق*: يجتمع المشاركين و المُيسرين في مجموعات صغيرة لتأمُل كيف كان اليوم بالنسبة لكل شخص و كيف يتوافق ما مر به و تعلمه كل مشترك خلال اليوم بنواياه و أهدافه التي وضعها في بداية اليوم.

٣:٣٠ مساءً: تأمُل في وسط المجموعة الكبيرة (كل المشتركين) و دائرة امتنان و شكر و مغادرة* 

*  العلامة دي معناها ان دي اجتماعات يجب علي الطفل حضورها. الأطفال عندهم مساحة و حرية يختاروا الفرص التعليمية اللي تتناسب مع ميولهم و شغفهم و ازاي يقضوا وقتهم خلال اليوم.  لكن مطلوب من الكل حضور اجتماع الإنطلاق في الصباح و اجتماع التأمُل و المشاركة آخر النهار و المشاركة في تنظيف المكان المنعقد فيه المعسكر كل يوم.

قُم بالتسجيل في معسكر مساحات الصيفي ٢٠١٨

سجّل الأن  

انزل للأسفل لمعرفة المزيد عن فلسفة و معني التعليم الموّجه ذاتياً و بعض الأسئلة الشائعة و التفاصيل اللوجستية.

الأسئلة الشائعه

في الأقسام اللي جاية هتلاقي إجابات لكل الأسئلة اللوجستية اللي ممكن تيجي في بالك. اذا كان في اسئلة زيادة مش متجاوب عليها هنا، برجاء عدم التردد في التواصل معنا من خلال نموذج التواصل الموجود في اخر الصفحة أو الإتصال بالرقم التليفوني المذكور .

ما هي مواعيد المعسكر؟

يبدأ المعسكر من ١٧ يوليو ويستمر حتى  ١٣ سبتمبر    

ويقام  ثلاث أيام في الاسبوع، كل أحد، و ثلاثاء وخميس، من التاسعة صباحاً للثالثة والنصف مساءً. يمكن إستقبال الأطفال قبل وإصطحابهم بعد هذه المواعيد بقليل.

يمكنكم الإشتراك لشهر أو شهرين من مدة المعسكر.  

في حالة إحتياج أية ترتيبات لوجستية، برجاء الإشارة إلى ذلك في الإستمارة.

هل في خدمة توصيل لمكان المعسكر؟

لا تتوفر هذه الخدمة، فعلى الأهل اصطحاب أطفالهم من وإلى مكان المعسكر وعنوانه: منتجع مونت كايرو ، 88 شارع المقطم، حي المقطم، القاهرة.

سيتواصل فريقنا معكم بمزيد من التفاصيل عن الموقع، ومواعيد توصيل واصطحاب الأطفال خلال فترة المعسكر.

من الممكن أيضاً أن نجد حلولا أخرى، بالتنسيق بين الأهالي قاطنى أماكن متقاربة للتشارك في اصطحاب أطفالهم.

ما هي تكلفة المعسكر المادية؟

التكلفة لكل مشترك في المعسكر هي ٢٩٠٠ جنية مصري للطفل الواحد فى الشهر الواحد.

المعسكر نشاط غير ربحي و لكن لأنه ليس لدينا أي مموّلين أو رعاه فبالتالي بيكون فيه سعر علي كل مشترك دفعه لتحمُل تكلفة المعسكر.

فيه خيارات أخري متاحة للمساهمه المالية من خلال مقياس مادي تكافلى، لأننا عايزين يكون في أكبر تنوّع ممكن من الأطفال في المعسكر (و ده بيضم التنوّع الأقتصادي و الاجتماعي) فللأباء الحق في تحديد مساهمتهم المالية في نطاق ما بين حد أدني٢٠٠٠ جنية و حد أقصي ٦٠٠٠ جنية. يمنكم تحديد اي مبلغ في حدود النطاق المالي المذكور.

احنا بنثق تماماً في كرمكم و امانتكم و شعوركم بالمسؤلية لتحديد المبلغ المالي اللي ممكن تساهموا بيه لتغطية تكاليف المعسكر مع معرفتكم تكلفة المعسكر للمشترك الواحد.

بالنسبة للآباء اللي هيدفعوا مبلغ مالي أزيد من تكلفة المعسكر لطفلهم، فالمبلغ الفائض يذهب الي تغطية مصاريف مشترك آخر لا يستطيع دفع مصاريف المعسكر و ذلك لإتاحة فرصة متساوية للجميع بالرغم من اختلاف القدرات المادية.

 

علي ماذا تشتمل تكاليف المعسكر؟

 

تغطي تكاليف البرنامج التالي:

  • المصاريف الدارسية
  • مصادر و أدوات تعليمية (مثلاً: أدوات زراعة،، فنون و حرف، أدوات صناعة، كتب … إلخ)
  • زيارات ميدانية 
  • مشروبات و فواكه و سناكس خفيفه تكون كلها اختيارات صحية. 

لديّ طفلين يتناسب أعمارهم مع الأعمار المقبولة في المعسكر، هل أحصل علي تخفيض اذا قمت بالتقديم لكليهم؟

لأن المعسكر نشاط غير ربحي، فبالتالي التكلفة المادية المطلوبة هي التكلفة اللي بتغطي مصاريف الطفل و التكلفة دي مش بتقل مع وجود أخوات.  ممكن حضرتك ترجع للسؤال اللي عن التكلفة المادية المذكور أعلاه و هنعتمد علي حضرتك تحديد المساهمه المالية المعقولة حسب ظرفكم المادي في حدود النطاق المالي المذكور اعلاه.

هل في زيّ رسمي (يونيفورم) او أي زيّ معين للمعسكر؟

لأ. خلي ابنك أو بنتك ييجوا لابسين اللي هما عايزينه و بيحبوه و اللي بيعبر عن نفسهم و شخصهم الفريدة.

هل في أي قواعد أو شروط علي طفلي اتباعها أثناء المعسكر؟

في طلبين هنطلبهم من كل مشترك و هنتكلم معاه فيهم: الأول هو انه يكون عنده احترام و اهتمام بنفسه و بالمشتركين الآخرين اللي معاه في المعسكر و بالمكان نفسه (البيئة) من حوالينا.  

الطلب التاني انه مطلوب من كل مشترك حضور الأجتماعين الصباحي: اجتماع الإنطلاق،  و اجتماع آخر النهار: اجتماع المشاركة، ده إلى جانب المشاركة في تنظيف المكان في اخر كل يوم. غير كده، للمشترك الحرية الكاملة في اختيار الفرص التعليمية اللي تناسبه و توجيه تعليمه و يومه ذاتياً بحرية و ابداع و بمسئولية عن قراراته مع وجود مُيّسرين للدعم.

من هم “الكبار” أو الميسرين المصاحبين لطفلى؟

يقام المعسكر في مقر مساحات التعليم الحر المتواجد في منتجع مونت كايرو في المقطم.

هذه الأماكن هى أماكن صديقة للطفل و فيها تصميم عشان الأطفال و الشباب وسلامتهم وراحتهم.

مونت كايرو مكان محاط ببوابات وأشخاص حراسة خاصة بالمكان. يوجد أيضاً عيادات بجوار مقرنا في حال حدوث أية طوارئ.

ممكن نقوم ببعض الزيارات الميدانية و اللي كلها أيضاً هتكون في أماكن صديقة للطفل وسيتم إبلاغ الأهل مسبقاً بيها.   

 لقد تم اختيار الميّسرين من خلال عملية اختيار انتقائية للغاية  من أجل الوصول لمرحلة التيسير مع الأطفال في المعسكر. بالإضافة لذلك ، المُيّسرين المصاحبين للأطفال و منظمي المعسكر لديهم خبرة كبيرة في التعامل مع الأطفال من خلال التدريس و التيسير مسبقاً . متوسط نسبة الميّسرين للمشتركين تكون  ١ ميّسر لكل تقريباً ٣ مشتركين، و وتلك نسبة غير مسبوقة وذلك لإنشاء علاقات صداقة بين المُيّسر و المشتركين تساعد الميّسر في إبداء الاهتمام لكل مشترك بشكل شخصي.

تم اختيار الميّسرين من خلال عملية اختيار انتقائية للغاية عشان يوصلوا للمرحلة اللي يقوموا فيها بالتيسير مع الأطفال في المعسكر. بالأضافة لكده، المُيّسرين المصاحبين للأطفال و منظمي المعسكر كلهم عندهم خبرة كبيرة في التعامل مع الأطفال من خلال التدريس و التيسير. متوسط نسبة الميّسرين للمشتركين هتكون ١ ميّسر لتقريباً كل ٣ مشتركين، و دي نسبة غير مسبوقة و ده لإنشاء علاقات صداقة و قرب بين المُيّسر و المشتركين عشان يقدر الميّسر يّدي الأهتمام لكل مشترك بشكل شخصي.

ايه أمثلة الأنشطة التعليمية المُتاحة؟

بتختلف الأنشطة التعليمية بإختلاف الأيام. مفيش يوم زي التاني. و كل الأنشطة التعليمية الموجوده معتمدة على اهتمامات كل مشترك و اختياراته. كل مشترك بيقدر يشترك فى اللي مهتم بيه و يصمم يومه بنفسه. عشان الطبيعة الاختيارية للأنشطة التعليمية بنسميهم مشاركات. لأننا بنؤمن بالتساوي بين الذكاءات، المشاركات بتُقدم من كل من المُيسرين الكبار و المشتركين الأطفال و الشباب.

الخبرات المُجمَعة للميسرين اللي موجودين بتغطي مجالات تعلُم كتيرة علي سبيل المثال لا الحصر: الزراعة، البيئة، الفلك، الهندسة، التكنولوجيا و البرمجة، الفنون البصرية و الأدائية، العلوم، الرياضيات، الطب، اعادة التدوير، المشروعات التجارية و البيزنس و المشروعات الإجتماعية، النجارة و الأعمال اليدوية، الموسيقي، الرياضة و الممارسات الجسدية زي الفنون القتالية و اليوجا و أكثر من ذلك.

ايه اللي هيتعلمه ابني او بنتي خلال المعسكر؟

ابنك أو بنتك هيتعلموا ازاي يتعلموا! هيتعلموا ازاي يوجهوا تعليمهم بنفسهم عن طريق وضع النوّايا و اختيار الفرص التعليمية المناسبة بنفسهم و التفكُر و المشاركة و تسجيل اللي اتعلموه. هيتعلموا انهم مختلفين عن اي شخص و يعرفوا ايه اللي يناسبهم و يكونوا مرتاحين و هما بيعملوه من غير ضغط.

في معسكر مساحات كل واحد مُعلم، بنطلب من الأطفال يشاركوا شغفهم و اهتماماتهم و يقودوا فرص تعليمية في الحاجات اللي بيحبوها و بيعرفوا يعملوها و في نفس الوقت يشتركوا في فرص تعليمية تانية بيقدمها أطفال تانيين و مُيّسرين. في المعسكر اللي فات مثلاً، الأطفال قاموا بقيادة فرص تعليمية في مجالات الفنون و الطبخ و علم القياس و النجارة و علوم الوراثة و اليوجا.

في الأوقات اللي الأطفال فيها مش جزء من أي فرصة تعليمية أو عطاء، عليهم تقرير هما حابين يقضّوا وقتهم ازاي و الإستمتاع بوقتهم و بالموارد الموجوده حواليهم مع الأخذ في الأعتبار اتفاقيات احترام المكان و الأمان و احترام الآخرين.

بشكل عام، في دعم كامل للأطفال من المُيّسرين و ثقة في قدرة الأطفال علي تشكيل و اخراج تجربة ثريّة لأنفسهم.

بعض من المهارات التي يشتمل عليها هذا النظام التعليمى هي:تعلُم كيف يتعلم، وضع النوّايا و الأهداف والمتابعه عليهم. في خلال هذه العملية التعليمية يمارس الأطفال مهارات التفاوض وتنظيم الوقت و ضبط النفس و العمل في فريق و احترام الإحتياجات الشخصية و احتياجات الآخرين، هذا إلي جانب التأمُل الشخصي و التعبير عن النفس و حل النزاعات و مهارات توثيق التعلُم.

بسبب طبيعة المعسكر التي يقضي فيها المشاركين وقتهم مع بعضهم البعض و مع الميسرين في المبيت، نتمكن من خلق ثقافة قوية و مُتعَمَدة مع بعض. نقوم بتوفير مساحة آمنة عشان المشتركين يقدروا يتفاعلوا مع أنفسهم، و مع أقرانهم و مع المجتمع اللى حوالينا.

ايه هو سياق التدريب؟ و مين اللي ورا الفعّالية دي؟

معسكر مساحات الصيّفي  هو جزء عملي من برنامج تدريبي للكبار علي مهارات تيسير التعليم الموّجه ذاتياً. التدريب و المعسكر بالشراكة بين مساحات التعليم الحروشريكها المعرفي مؤسسة مراكز التعليم المرن أو Agile Learning Centers و هي شبكة من مدارس التعليم الموّجه ذاتياً حول العالم. 

يقام المعسكر في مقر مساحات التعليم الحر المتواجد في منتجع مونت كايرو في المقطم.

في خلال البرنامج التدريبي، يكتسب المتدربون خبرات في التعامل و اللعب مع الأطفال و الشباب و تيسير عملية التعليم الموّجه ذاتياً من خلال المعسكر الصيّفي.

المُيّسرين خليط من المعلمين المليانين بالحماس، الآباء، مُيّسري أنشطة الأطفال، أشخاص ذوي خبرة في مجالات مختلفة و مُيّسرين محترفين في عملية التعليم الموّجه ذاتياً من مؤسسة مراكز التعليم المرّن.

مفيش في المعسكر مدرسين بالمعني التقليدي للكلمة، المدرس اللي بيقف يلقّن معلومة بعيدة عن الحياة شخصية مش موجودة في دنيا التعليم الموّجه ذاتياً و التعليم المرّن. و في هذا النوع من التعليم بيتم استبدال المدرس بمُيّسر للعملية التعليمية، شخص يحب و يثق في الطفل و يتواصل معاه و يعرف احتياجاته و ميوله و يخلق مساحة للطفل للتعبير عن نفسه بكل اشكالها و بحرية. المُيّسر بيساعد الطفل انه يمر بالدورة التعليمية من وضع نوّايا، و اختيار أو خلق الفرص التعليمية المناسبة و التفكُر في التجارب التعليمية و بعد كدة مشاركة التعلُم و الدروس المستفادة و تدوينها.

المُيّسرين مش كلهم زي بعض، بيختلفوا عن بعض في الأعمار وجايين من تجارب حياتية و تعليمية مختلفة. اللي مشترك ما بين كل المُيّسرين هو فهم عميق ان الأسلوب القديم للتعليم مبقاش ينفع في دنيتنا و لا هيحضّر جيل جديد لتحديات الحياة وفرصها. المُيّسرين كمان بيشتركوا في حبهم للعب و الأبتكار مع الأطفال و الشباب. 

في تجربة المعسكر، بيتعرّض المشتركين للتعامل مع مُيّسرين من خبرات حياتية مختلفة و متنوّعه قاموا هما انفسهم بتوجيه تعليمهم ذاتياً و ده في حد ذاته بيثري تجربة الأطفال جداً لأنهم بيشوفوا كبار يقتدوا بيهم.

قُم بالتسجيل في معسكر مساحات الصيّفي ٢٠١٨

سجّل الأن

كلام جميل و لكن لديّ بعض الأسئلة الإضافية: برجاء التواصل معنا. ممكن ترسل رسالة هنا من خلال النموذج أو ممكن تكلمنا فى التليفون او تبعتلنا رسالة واتساب بإستفسارك علي: ٠١٠٢١٩٧٨٣٨٠ 

  • This field is for validation purposes and should be left unchanged.